Заримдаа бидний сэтгэлд “Нэг удаа ч болов буцаад хүүхэд болохсон” гэх хүсэл төрдөг.Тэгвэл яг тэр мэдрэмжийг танд өгч чадах 10 киног уншигч танд санал болгож байна.

Up (2009)

      Өндөр настай Карл өвөө болон мөрөөдлөөр амьсгалдаг хүү Рассел хоёрын уулзалт хайр, хүлээлт, нөхөрлөлийн тухай шинэ түүхийг өгүүлнэ. Бөмбөлгөнд уяатай байшин тэдний зүрхийг дахин дүүргэж чаддаг. Хүүхэд насны хамгийн том мөрөөдөл бол зүгээр л хаашаа ч хамаагүй нисэх байсныг сануулна.

Toy Story цуврал (1995–2019)

    Та хүүхэд байхдаа унтахдаа дэрнийхээ дэргэд тоглоомоо тавьдаг байсан уу? Яагаад гэвэл тэд “амьд” байж магадгүй гэж зүрхээрээ мэдэрдэг байсан биз дээ? Энэ кино яг тэр мэдрэмжийг гаргаж өгнө. Нөхөрлөл, үнэнч байдал, хүлээлт, сайхан төгсгөлийг та энэхүү киноноос үзэх боломжтой.

How to Train Your Dragon (2010)

     Викингүүдийн дунд өссөн ч амар тайван сэтгэлтэй Хиккап хүү айдсаа даван туулж лууг номхотгож, найз болдог. Түүгээр зогсохгүй бүх тосгоны амьдралыг өөрчилдөг. Энэ бол хүүхэд байхад өөртөө итгэх итгэл яаж амьдралыг шинэчилдэг тухай бодож байсан уу. Бага насныхаа өөрийгөө та энэхүү киноноос олж харах боломжтой.

Peter Rabbit (2018)

     Бяцхан туулай Питер болон түүний гурван дүү Flopsy, Mopsy, Cottontail нар хөдөөний байшинтай нэгэн хүний ногооны талбайд өдөр болгон нууц орж, шуугиан тарьж, бууцай, лууван хулгайлж зугаацдаг. Харин байшингийн шинэ эзэн Mr. McGregor ирэхэд амьтад болон хүний хоорондын зөрчил илүү гүнзгийрч, инээдтэй, заримдаа сэтгэл хөдөлгөм өрнөлтэй адал явдал эхэлнэ. Питер дэггүй, халуун сэтгэлтэй, гэр бүлдээ хайртай туулай. Тэрээр нөхөд, гэр бүлийнхээ төлөө өөрийнхөөрөө тэмцэж, хүнтэй ойлголцох замыг ч хайдаг.

Charlie and the Chocolate Factory (2005)

      Ядуу сайхан сэтгэлтэй Чарли хүүгийн гайхамшигтай аялал. Энэ бол ёс суртахууны үнэ цэнийг хүүхдийн гэнэн нүдээр өгүүлсэн Далийн хамгийн алдарт бүтээл. Гайхамшиг итгэх сэтгэлийг хэзээ ч алдаж болохгүйг хүүхэд нас үргэлж сануулдаг билээ.

The Lion King (1994)

      Симба гэгч арслангийн бяцхан дотоод дуу хоолой бол бидний бүгдийнх нь өсвөр нас. Аавынхаа үгийг сэтгэлдээ тээж явах, алдаан дээрээсээ суралцах, эрх чөлөө гэдэг нь хариуцлагын үнэ гэдгийг ойлгох нь томчууд ч дахин үзэх ёстой хичээл билээ.

Finding Nemo (2003)

      Нэмогийн адал явдал бол ээж, аавын хэн нэгний зүрхэнд хайр сэтгэлээрээ “яаж ч хол байсан, би чамайг олно” гэсэн үгийг сийлдэг кино. Биднийг хүүхэд байхад тэд хэр их хичээж явсныг, бидний төлөө хэр хол аялсан болохыг энэхүү киноноос олж хараарай.

My Neighbor Totoro (1988)

     1950-иад оны Японы хөдөө тосгонд ээж нь өвчтэй тул эмнэлэгт хэвтсэн хоёр охин болох арван настай Сацки, дөрвөн настай Мэй нар аавтайгаа хамт шинэ байшин руу нүүж буйгаар кино эхэлнэ.  Хуучны нэгэн байшинд тэдний үлгэр мэт ертөнц рүү хөтөлнө. Мэй нэгэн өдөр ойд тоглож яваад Тоторо гэх том, зөөлөн үстэй, шидэт амьтантай таарна. Тоторо ой модны сүнс бөгөөд эгч дүү хоёрт байгаль, төсөөлөл, итгэл үнэмшлийг ойлгуулах шидтэй найз нь болдог. Энэ киноноос та тайвширал, гэгээлэг бүхнийг харах болов уу.

Harry Potter цуврал (2001–2011)

     “Харри Поттер”-ийг хүүхэд насанд үзээгүй хүн ховор биз ээ. Гэвч том болоод эргээд үзэхэд, найз нөхөрлөл, хариуцлага, хайр, амь өгсөн үнэнч сэтгэл зэрэг нь урьд өмнө бодож байснаас илүү үнэ цэнтэй.

Matilda (1996)

         1996 онд нээлтээ хийсэн, хүүхдийн сэтгэл зүй, оюун ухаан, итгэл найдварын тухай өгүүлдэг. Матида хэмээх гойд ухаантай охины хүчирхийлэл дүүрэн орчноос аврал болсон зүйл бол ном болон эелдэг багш нь. . Киноны гол дүрд бяцхан охин Матильда Уормвуд тоглодог. Охин төрөлхийн гярхай, мэдрэмжтэй, өндөр оюуны чадавхитай боловч түүнийг хайрлах, ойлгох гэр бүлгүй өсдөг. Тэрбээр телекинезийн ховор чадвартайгаа мэдэж, энэхүү чадварыг шударга бус байдлын эсрэг ашиглаж эхэлнэ. Хүүхдийг ойлгодог, дэмждэг энэрэнгүй багшийн тусламжтайгаар Матильда өөрийн дотоод ертөнцийг нээж, хувь хүний хувьд бэхжиж чаддаг. Хүүхэд насанд уншсан үлгэр хэрхэн хүний дотоодыг бэхжүүлдгийг та энэхүү киноноос олж харах боломжтой.