Д.УЛАМ-ОРГИХ: Хоёрдугаар сарын 6-наас эхлэн 16 хоног хатуу хөл хорио тогтоох хэрэгтэй

Д. Чанцалдулам:
Монголчуудын амьдрал- Мэдээ мэдээлэл

2021-02-01, 920

Ерөнхий сайд Л.Оюун-Эрдэнэ болон Шадар сайд, УОК-ын дарга С.Амарсайхан нар УОК-ын Шуурхай штабт ажиллалаа. Энэ үеэр Шуурхай штабын дэргэдэх Эрдэмтдийн зөвлөлөөс хийсэн тооцоолол, судалгааг танилцуулсан юм.

Эрдэмтдийн зөвлөлийн гишүүн, МУИС-ийн Физикийн тэнхимийн эрхлэгч, дэд профессор Д.Улам-Оргих “Хоёр долоо хоногийн хугацаанд хатуу хөл хориог тогтоох зайлшгүй шаардлагатай. Өөрөөр хэлбэл, хоёрдугаар сарын 6-21-нийг дуустал хөл хорио тогтоох хэрэгтэй. Энэ бол цар тахлыг хянаад явах сүүлийн боломж. Хавар дулаарч, хүний хөдөлгөөн ихэсвэл хяналтаас алдах аюултай. Хөл хорио тогтоохгүй бол гуравдугаар сард эмнэлгийн ачаалал 3000 болж, дийлэхгүйд хүрнэ. Ингэвэл хүнд өвчтөнийг эмчлэх, гэрт нь хязгаарлах гэхчилэн олон улсын жишигт орно. Энэ үед нийт өвчлөгчдийн хоёр хувь нь амиа алдах тооцоолол бий. Хэрэв хөл хориог тогтоовол эмнэлгийн ачааллыг 1000 орчимд барьж, нас баралтыг түвшинг бага байлгана. Үгүй бол байдал хүндэрч, цар тахал жинхэнэ утгаараа эхэлнэ” гэв.

Д.УЛАМ-ОРГИХ: Хоёрдугаар сарын 6-наас эхлэн 16 хоног хатуу хөл хорио тогтоох хэрэгтэй

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2021-02-01 11:48:57

зочин: дэмжиж байна үнэн шүү улс орныхоо хүчин чадлаа бодох хэрэгтэй гадуур маш их хөл хөдөлгөөнтэй байна хүмүүс ч өөрсдөө хайнга хандах шинжтэй амьдрал нь бололцоотой бол 3-1 хүртэл хориод ойр дэлгүүрээсээ захиалгаар авах улсаас ард түмэндээ мөнгөн тусламж үзүүлэх гэсэн арга хэмжээг авч байж үүний ард гарнадаа

Шинэ мэдээ

Нийтлэлчид