Сөүл-Улаанбаатар чиглэлийн тусгай үүргийн онгоц өчигдөр “Буянт-Ухаа” олон улсын нисэх буудалд газардлаа. Тус онгоцоор 163 хүн эх орондоо ирсэн байна.

Өнгөрсөн оны гуравдугаар сарын 15-наас хойш Сөүл-Улаанбаатар чиглэлд хийсэн 40 орчим тусгай үүргийн нислэгээр 7000 орчим иргэн эх орондоо иржээ. Улсын онцгой комиссоос баталсан хуваарийн дагуу хоёрдугаар сарын 3, 26-нд Сөүл, 10-нд Токио,  24-нд Истанбул хот руу тусгай үүргийн нислэг үйлдэж, 850 орчим иргэнээ татаж авах тов гарчээ. Цаашид долоо хоног тутам нэг удаа нислэг хийж, сардаа 800-1000 иргэнээ авчрахаар төлөвлөж байгаа аж.