Хавдрын эмчилгээ хийлгэхийн тулд иргэн 25 хувийн төлбөрийг хувиасаа гаргадаг байсан. Тэгвэл энэ оноос иргэд ямар нэгэн төлбөр төлөхөөргүй болжээ. Энэ нь иргэдийг уг өвчний улмаас санхүүгийн эрсдэлд орохоос хамгаалсан томоохон шийдвэр боллоо.

Мөн хавдрын үеийн оношилгоонд нэн чухал аппарат бол ПЕТ-СТ юм. Энэ шинжилгээний аппаратыг Монголд анх удаа Улсын хоёрдугаар төв эмнэлэг суурилуулж, ашиглалтад оруулахад бэлэн болоод байна. Тус аппаратын шинжилгээгээр хавдрын үсэрхийллийг бүрэн илрүүлдэг бөгөөд эмчилгээний арга, техник сонгох болон үр дүнг бүрэн хянах боломжтойгоороо давуу талтай юм.

Уг шинжилгээнд орохын тулд иргэд  өмнө нь заавал гадаад улс руу явдаг байсан бол энэ оноос эх орондоо оношлогдох бүрэн боломжтой болсон нь энэ. Хавдрын үеийн хөнгөвчлөх тусламж, үйлчилгээ оочер дараалал ихтэй, өндөр ачаалалтай байдаг. Тэгвэл Эрүүл мэндийн даатгалын хуулийн өөрчлөлтөөр уг тусламж, үйлчилгээнд даатгалаас олгох өртгийн хэмжээ нэмэгдэж, төр, хувийн хэвшлийн аль ч  эмнэлгээс үйлчилгээ авах болсноор тусламж үйлчилгээний хүлээгдэл буурах боломжтой гэдгийг албаныхан хэллээ.