Баян-Өлгий аймгийн Цагдаагийн газраас сэрэмжлүүлэг гаргажээ. Тодруулбал,  тус аймагт сүүлийн үед иргэд агаарт гарах нэрийдлээр хамт олон, найз нөхөд, гэр бүл, үр хүүхдүүдтэйгээ нуурын мөсөн дээгүүр хуванцар чарга, хуучин дугуйн дээр бага насны хүүхэд суулгаж автомашинаар чирэх үйлдэл гаргах болжээ. Мөн нуурын мөсөн дээр автомашинаараа дрифт эргэж, Замын хөдөлгөөний аюулгүй байдлын тухай хууль, дүрмийг зөрчиж бусдын амь нас, эрүүл мэндийг хохироох зэрэг хэрэг, зөрчил удаа дараа бүртгэгдэж байгаа тул холбогдох хууль тогтоомжийн дагуу хариуцлага тооцож байгаа аж. Иймд иргэд та бүхнийг Замын хөдөлгөөний дүрмийг сахин биелүүлж, замын хөдөлгөөнд соёлтой оролцохыг анхаарууллаа.