УОК-ын шийдвэрээр нэгдүгээр сарын 15-нд буюу өчигдөр Улаанбаатар-Сөүл чиглэлийн тусгай үүргийн онгоцоор 165 иргэн ирсэн. Тус нислэг "Буянт-Ухаа" олон улсын нисэх буудалд өчигдөр 20:44 цагт газардсан бөгөөд Буянт-Ухаа боомт дахь Хилийн мэргэжлийн хяналтын албанаас зорчигчдод эрүүл мэндийн хяналт, тандалт хийж халдвар хамгааллын дэглэмийг мөрдүүлж ажиллажээ.Тус онгоцоор жирэмсэн гурав, бага насны хүүхэдтэй гэр бүл долоо, өндөр настан нэг, эрүүл мэндийн шалтгаантай 20, ар гэрийн гачигдалтай 94, саатуулах байранд байсан 40 иргэн ирсэн аж. Иргэдийг “Зүчи”,” Мичид-2” зочид буудал болон “Наранбулаг” амралтын газарт тусгаарласан байна. Одоогийн байдлаар БНСУ-д эх орондоо ирэх хүсэлт гаргасан 1000 гаруй хүн байгаа аж. 

Эх сурвалж: ОБЕГ