• Өнөөдөр 2025-03-18

Үндэсний бүтээгдэхүүнийг олон улсын зах зээлд гаргах чиглэлээр санал солилцлоо

2021-01-15,   497

Хүнс, хөдөө аж ахуй, хөнгөн үйлдвэрийн сайд З.Мэндсайхан өчигдөр Швейцарын хөгжлийн агентлагийн дарга Стефани Бурри, тус агентлагийн дэд дарга Бенуа Мэйэр-Биш  болон холбогдох бусад албаны төлөөллийг хүлээн авч уулзлаа.Уулзалтын эхэнд З.Мэндсайхан сайд Монгол Швейцарын хөдөө аж ахуйн салбарын хамтын ажиллагааг өргөжин хөгжүүлэхэд үнэтэй  хувь нэмэр оруулсан олон төсөл, хөтөлбөрийг хэрэгжүүлснийг онцлон тэмдэглэсэн юм.
 
Энэ үеэр хөдөө аж ахуй, мал эмнэлгийн салбарын мэргэжилтэн, боловсон хүчин, фермерүүдийг Швейцарын холбооны Улсад мэргэжил дээшлүүлэх боломжийн талаар ярилцлаа.Түүнчлэн үндэсний онцлогийг шингээсэн ноос ноолуур, сүү сүүн бүтээгдэхүүн, сарлагийн хөөвөр, арьсаар хийж байгаа экспортын баримжаатай бүтээгдэхүүнийг олон улсын зах зээлд гаргахад дэмжлэг үзүүлэх асуудлаар талууд санал солилцсон юм. Швейцарын холбооны Улсын  буцалтгүй тусламжаар төмсний үйлдвэрлэлийг сэргээх, малын эрүүл мэнд, бэлчээрийн менежментийг сайжруулах чиглэлээр олон төсөл хөтөлбөр хэрэгжүүлсэн нь үр дүнгээ өгсөөр байгаа юм.

Үндэсний бүтээгдэхүүнийг олон улсын зах зээлд гаргах чиглэлээр санал солилцлоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.