Баянзүрх дүүргийн Онцгой комиссоос мэдээлэл хийлээ. Баянзүрх дүүргийн Засаг даргын орлогч Г.Жаргалсайхан “Дүүргийн Онцгой комиссоос шийдвэр гарч, 17 дугаар хорооны нутаг дэвсгэт хэсэгчлэн хөл хорио тогтоохоор боллоо. Тус хорооны иргэдийг коронавирусийн шинжилгээнд бүрэн хамруулна. Баянзүрх дүүргийн Засаг даргын захирамжийн дагуу нэгдүгээр сарын 14-ний 06:00 цагаас нэгдүгээр сарын 16-ны 23:00 цаг хүртэл хэсэгчлэн хөл хорио тогтооно. Энэ хугацаанд тус хорооны нутаг дэвсгэрийн дөрвөн цэгт иргэдээс шинжилгээ авна. Тодруулбал, 79 дүгээр сургууль, 17 дугаар хорооны Иргэний танхим, 21 дүгээр худаг, Сайжруулсан гудамжинд зөөврийн шинжилгээний байр байршуулж, тогтмол шинжилгээ авна. Мөн явуулын цэгүүдээр иргэдээс шинжилгээ авах болно. Хэсэгчилсэн хөл хорионы хугацаанд Шархадны авто замыг хаана. Нийтийн тээвэр Эрдэнэтолгойн автобусны буудал хүртэл үйлчилнэ. Иймд Баянзүрх дүүргийн есдүгээр хорооны иргэд өөр маршрутаар зорчихыг зөвлөж байна. Хэсэгчлэн хөл хорионы хугацаанд эмийн сан, хүнсний дэлгүүр, худаг, сайжруулсан түлшний цэг хэвийн ажиллана. Бусад төрлийн байгууллага үйл ажиллагаа явуулахгүй" хэмээн мэдэгдлээ.