С.Зоригийн хэрэгт буруутгагдаж, гурван шатны шүүхээс 20-25 жилийн хорих ял сонссон Т.Чимгээ, Б.Содномдаржаа нарт холбогдох хэргийг хэрэгсэхгүй болгохоор хянаж байгаа талаар НПГ-аас мэдээлсэн. Энэ талаар ямар сэтгэгдэлтэй байгаа талаар Т.Чимгээгийн ах Т.Хүрэлбатаас тодрууллаа. Тэрбээр “Үнэнээр явбал үхэр тэргээр туулай гүйцнэ” гэж яасан үнэн үг вэ. Бид зургаан жил тэмцэж байж үнэнийг гүйцлээ. С.Зоригийг хөнөөсөн хэмээх хэргийг Ерөнхийлөгч асан Ц.Элбэгдорж захиалгаар хаалгах гэж оролдсо. Дүүг минь эрүүдэн шүүж хэрэг тохох зэргээр үзэж байсныг ард түмэн санаж байгаа. Дүү минь байнгын хэвтэрт орчихоогүй ч гэлээ бие нь өвдөж эмчийн хяналтад байдаг. Хэрвээ дүүгийн минь хэргийг албан ёсоор цагаатгах юм бол сэтгэл, санаа нь амарч биедээ илүүтэй анхаарах байх” гэлээ.