Баруун аймагт өчигдөр хүчтэй шороон болон цасан шуурга болсон. Үүнтэй холбоотойгоор бид Завхан аймгийн Сантмаргаз сумын нөхцөл байдлыг тус сумын Иргэдийн хурлын төлөөлөгч Т.Хатанбаатараас тодрууллаа. Тэрбээр "Цаг агаарын нөхцөл байдал өчигдөр 22:00 цагийн үед гайгүй болж, шуурга намдсан. Гурван айлын хашааны хэсэг нурж, хаалга нь салсан. Малчдын хувьд осол эндэгдэл гарч, төөрч, алга болсон зүйл байхгүй. Өнөөдөр цэлмэг, салхи шуургагүй сайхан байна" гэв.