Ховд аймгийн Булган сумын Баянсудал багийн Мэргэн гэх газарт тус сумын харьяат иргэн А дөрөвдүгээр сарын 15-ны өдрийн 19:00 цагийн орчим гэрээсээ гараад сураггүй болсон тухай дуудлага  дөрөвдүгээр сарын 17-ны өдрийн 11:28 цагт аймгийн Онцгой байдлын газарт иржээ.

         Дуудлагын дагуу тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчид, ар гэрийнхэн иргэн 37 настай А-г эрэн хайх ажиллагааг тус багийн Мэргэн-Уул, Баруун-Ураа, Зах-Ус, Цагаантүнгэ, Цоохор нуур, Цоохор нуурын баруун хөвөө гэдэг газруудаар 120 клометрт зохион байгуулсан. Дөрөвдүгээр сарын 18-ны өдрийн 12:00 цагаас эхлэн Мэргэн багийн Хүдрийн-Улаан, Цагаан хоолой, Давсан хуурай, Халтмайн хар, Зах-Ус гэдэг газарт явганаар 50 клометрт, автомашинаар 150 клометрт эрэн хайх ажиллгааг зохион байгуулсан боловч үр дүнд хүрээгүй тул 21:40 цагт түр зогсоосон байна.