Олон улсын нийтийн эрх зүйн шүүхийн мэтгэлцээний аварга шалгаруулах “The Philip C.Jessup International Law Moot Court Competition” тэмцээн АНУ-ын Вашингтон хотноо дөрөвдүгээр сарын 9-15-ны өдрүүдэд болжээ. Энэ нь дэлхийн 100 гаруй орны 700 гаруй хуулийн сургуулийн баг оролцдог шүүхийн мэтгэлцээний хамгийн том тэмцээн аж. 

    Тэмцээний “Олон улсын аварга шалгаруулах” шатанд манай улсыг төлөөлж МУИС-ийн Хууль зүйн сургуулийн баг амжилттай оролцож, “Best new team” шагналыг хүртлээ. МУИС-ийн Хууль зүйн сургуулийн багт Олон улсын эрх зүйн ангийн оюутан Б.Ариунзаяа, Ө.Намуунбаяр, С.Билэгт-Очир, Г.Маргад, Эрх зүйн ангийн оюутан Б.Лхагважаргал нар оролцсон байна. Багийн дасгалжуулагчаар МУИС-ийн Хууль зүйн сургуулийн Нийтийн эрх зүйн тэнхимийн дэд профессор, эрдэмтэн нарийн бичгийн дарга М.Уянга ажилласан байна.