• Өнөөдөр 2024-03-29

Олон Улсын Атомын энергийн агентлагийн 66 дугаар чуулганд оролцож байна

2022-09-29,   316

       Бүгд Найрамдах Австри Улсын Вена хотноо есдүгээр  сарын 26-30-ны өдрүүдэд болж буй ОУАЭА-ийн Ерөнхий бага хурлын ээлжит 66 дугаар чуулганд Цөмийн энергийн комиссын Нарийн бичгийн дарга Г.Манлайжав тэргүүтэй Монгол Улсын төлөөлөгчид оролцож байна. Тус чуулганаар ОУАЭА-ийн үйл ажиллагааны тайлан, төсөв, цөмийн болон цацрагийн аюулгүй байдал, техникийн хамтын ажиллагаа, цөмийн шинжлэх ухаан, технологийг энхийг зорилгоор ашиглах, олон улсын хамтын ажиллагааг бэхжүүлэх зэрэг 26 багц асуудлыг хэлэлцэнэ.

       Цөмийн энергийн комиссын Нарийн бичгийн дарга Г.Манлайжав есдүгээр сарын 27-ны өдөр чуулганы нэгдсэн хуралдаанд манай улсын байр суурийг танилцуулж үг хэлэв. Түүнчлэн манай төлөөлөгчид Цөмийн эрчим хүчний газар, Баталгааны газар, Техникийн хамтын ажиллагааны газрын төлөөлөлтэй уулзаж, ОУАЭА-тай хамтран хэрэгжүүлж буй төсөл, хөтөлбөр зэрэг хамтын ажиллагааны өргөн хүрээтэй асуудлаар санал солилцов.

        Тус чуулганы үеэр цөмийн болон цацрагийн хяналт, аюулгүй ажиллагаа, аюулгүй байдал, цөмийн технологийн салбарын мэргэжлийн сургалт, семинар,  мөн хорт хавдартай тэмцэх тэмцэх хүрээнд “Итгэл найдварын туяа” сэдвийн дор шинжлэх ухааны форум зохион байгуулагдана.


Олон Улсын Атомын энергийн агентлагийн 66 дугаар чуулганд оролцож байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188