Нийслэлийн Ерөнхий прокурор асан Д.Баярмагнай, улсын арслан Ц.Содномдорж нар казино тоглож, хулгай хийсэн хэргээр Сингапур Улсад баривчлагдсан гэх мэдээлэл гарсан. Энэ талаар улсын арслан Ц.Содномдоржийн ах Ц.Нацагдоржоос тодрууллаа.

     Тэрбээр “Дүү минь БНСУ-д эмчилгээ хийлгээд сар болж байна. Эхнэр нь түүнийг асарч байгаа. Ц.Содномдоржийн хөлний булчингийн уутанцар нь задарч, эмчилгээ хийлгэж байгааг бөхчүүд мэдэж байгаа. Би дээрх мэдээллийн дагуу дүүгээсээ тодруулсан. Тэрбээр “Худал мэдээлэл байна. Намайг харлуулах гэсэн мэдээнд битгий итгээрэй” гэсэн. Би Ц.Содномдоржийг Д.Баярмагнай гэдэг хүнтэй ямар холбоотой болохыг, казино тоглодог эсэхийг нь мэдэхгүй. Би олон нийтийн сүлжээгээр гардаг янз бүрийн мэдээлэл үздэггүй, бүр итгэдэггүй. Дүүгийн тайлбарласнаар түүнийг хэн нэгэн харлуулах гэж оролдож байна гэж ойлгосон. Дүү минь долоо хоногийн дараа Монголд ирээд өөрөө дэлгэрэнгүй тайлбар, мэдээлэл өгөх байх” гэлээ.