Эрүүл мэндийн яамнаас цаг үеийн асуудлаар ээлжит мэдээлэл хийлээ.

ХӨСҮТ-ийн Ерөнхий захирал Д.Нямхүү “Есдүгээр сарын 30-наас аравдугаар сарын 1-ний хооронд буюу сүүлийн хоёр хоногт дөрвөн лабораторид нийт 1455 хүнд шинжилгээ хийхэд бүгдэд нь коронавирус илрээгүй. 

Тодруулбал:

• Есдүгээр сарын 16-нд Сөүл-Улаанбаатарын онгоцоор ирсэн 262 хүний давтан шинжилгээ
• Есдүгээр сарын 29-нд Сөүл-Улаанбаатарын онгоцоор ирсэн 227 хүний шинжилгээ
• Есдүгээр сарын 12-нд Токио-Улаанбаатарын онгоцоор ирсэн 254 хүний давтан шинжилгээ
• Есдүгээр сарын 17нд Хонг Конг-Улаанбаатарын онгоцоор ирсэн 225 хүний давтан шинжилгээ
• Есдүгээр сарын 29-нд Бээжин-Улаанбаатарын онгоцоор ирсэн 15 хүний шинжилгээ
• ХӨСҮТ-т тусгаарлагдан хянагдаж байгаа хоёр хүний шинжилгээ
• Дундговь аймагт тусгаарлагдсан 36 хүний шинжилгээ
• Дорноговь аймагт тусгаарлагдсан 139 хүний шинжилгээ
• Говьсүмбэр аймагт тусгаарлагдсан 39 хүний шинжилгээ
• Тусгаарлан ажиглах байранд тусгаарлагдсан 183 хүний шинжилгээ
• 16 эмч ажилтны хяналтын шинжилгээ

Мөн Алтанбулагаар орж ирсэн 53 жолооч, сайн дураараа шинжилгээ өгсөн нэг хүн, тандалтын зорилгоор 12 хүний сорьцыг санамсаргүйгээр түүвэрлэсэн зэрэг шинжилгээний хариу бүгд сөрөг гарсан.

Манай улсад коронавирусийн нийт 313 тохиолдол бүртгэгдсэнээс 307 нь буюу 98 хувь нь эмчлэгдэж, одоогоор ХӨСҮТ-д зургаан хүн байна. Тэдний хоёрынх нь биеийн байдал хүнд байна.

Мөн есдүгээр сарын 25-наас аравдугаар сарын 2-н хүртэл нийт 4240 хүнд шинжилгээ хийсэн бөгөөд бүгдэд нь коронавируст халдвар илрээгүй. Энэ долоо хоногийн хугацаанд дөрвөн хүн эдгэрч дараагийн шатны ажиглалт руу шилжсэн. Эдгэрсэн хүмүүсийн хоёр нь эрэгтэй 45, 21 настай бол хоёр нь эмэгтэй 62, 84 настай” хэмээн ярилаа.