Нийслэлийн мэргэжлийн хяналтын газраас баар, цэнгээний газруудад хийсэн хяналт, шалгалтын талаар мэдээлэл хийлээ.

Нийслэлд 1021 ресторан, 225 кафе, баар цэнгээний 945 байгууллага үйл ажиллагаа явуулж байна. Шалгалтаар 21 аж ахуйн нэгж, гурван иргэнд нийт 20 сая 290 мянган төгрөгийн торгууль оногдуулжээ. Мөн стандарт, эрүүл ахуйн шаардлага хангаагүй зургаан баарны тусгай зөвшөөрлийг түдгэлзүүлэх саналыг Нийслэлийн захирагчийн ажлын албанд хүргүүлсэн байна. Түүнчлэн эдгээр байгууллагад үйлчлүүлэгчдийн нягтаршлыг бага байлгахыг зорих хэрэгтэйг НМХГ-ын ахлах байцаагчид анхаарууллаа.