Говьсүмбэр аймгийн Сүмбэр сумын нэг, хоёр, гуравдугаар багт өчигдөр 14:55-15:20 цагт аадар бороо орсны улмаас 11 гэр, хоёр орон сууц, хоёр байгууллагын зоорийн давхар уруйн үерт автжээ.

     Тус дуудлагыг өчигдөр 16:10 цагт аймгийн Онцгой байдлын газар хүлээн авч, Гал түймэр унтраах, аврах 37 дугаар анги, тус сумын мэргэжлийн ангийн ажилтнууд 16:20 цагаас уруйн үерт автсан дөрвөн гэрийг нүүлгэн шилжүүлж, орон сууц болон байгууллагуудын зоорийн давхрын усыг мотопомпоор соруулж, ус зайлуулах 60 метр шуудуу татаж, гурван айлын эд хогшил, бичиг баримтыг гэрээс нь гарган иргэдэд хүлээлгэн өгсөн байна.