Эрүүл мэндийн яамнаас коронавирусийн халдварын талаар цаг үеийн асуудлаар мэдээлэл өглөө. Энэ үеэр УОК-ын нарийн бичгийн дарга Т.Баярхүү “Өнгөрсөн 24 цагийн хугацаанд  2268 хүнээс халдвар илэрсэн. Үүнээс Улаанбаатар хотод 1404, орон нутагт 864 хүнээс халдвар илэрсэн байна. Тэдний ихэнх нь 20-40 насныхан байгаа. Мөн өнгөрсөн хугацаанд тус өвчний улмаас 42-80 насны 11 хүн нас барсан. Халдвартай иргэдийг тусгаарлан, эмчлэх байр нэмэгдүүлж 1500 орчим ор шинээр дэлгэх төлөвлөгөөтэй байна. Өнөөдрийн байдлаар 1200 ор дэлгэх аж. Эмнэлгийн ор нэмэгдүүлж байгаа ч эмч, мэргэжилтнүүд хүрэлцэхгүй байна" гэлээ.