19 аймгийн 111 суманд хөдөлгөөн хязгаарлажээ

Б. Гүнжид:
Монголчуудын амьдрал- Мэдээ мэдээлэл

2021-06-17, 321

Коронавирусийн тархалтын талаарх ээлжит мэдээллийг өглөө.

Энэ үеэр УОК-ын нарийн бичгийн дарга Т.Баярхүү “УОК-ын даргын тушаалаар батлагдсан 46 байгууллагын 186 алба хаагчаас бүрдсэн шуурхай штаб 24 цагаар ажиллаж, УОК-ын шийдвэрийг гүйцэтгэх хариу арга хэмжээг удирдан зохион байгуулан ажиллаж байна. Нийслэлийн хэмжээнд 171 хүний бүрэлдэхүүнтэй 57 хөдөлгөөнт баг ажиллаж, гэрээр тусгаарлагдсан хүмүүс, ойрын хавьтал болсон хүмүүст очиж, эрүүл мэндийн тусламж үйлчилгээг үзүүлж байна. Халдварын тархалт нэмэгдсэнтэй холбоотойгоор нийслэлийн хэмжээнд нэмэлтээр 40 автобус буюу хөдөлгөөнт эрүүл мэндийн тусламж үйлчилгээг нэмэгдүүлэн ажиллаж байна. Батлагдсан тохиолдол, ойрын хавьтал болсон, гэртээ тусгаарлагдан ажиллаж буй 119 тусгай дугаарын утас ажиллаж, мэргэжлийн эмч нар 24 цагаар иргэдэд зөвлөгөө, мэдээлэл өгч байна.

Өнөөдөр улсын хэмжээнд 19 аймгийн 111 суманд хязгаарлалтын дэглэм тогтоосон байна. Тиймээс иргэд хөдөө орон нутгийг зорихоор бол тухайн аймгийн Онцгой комисстой холбогдож зөвшөөрөл авч зорчихыг анхааруулж байна.

Вакцинжуулалт өндөр хувьтай байгаа ч бага насны хүүхэд, жирэмсэн эмэгтэй, өвчтэй зэрэг шалтгаанаар вакцинд хамрагдаагүй иргэд бий. Тийм учраас дотоод орчинд таваас дээш хүн, гадаад орчинд 10-с дээш хүн цуглахгүй байхыг УОК-с анхааруулж байна” гэлээ.

19 аймгийн 111 суманд хөдөлгөөн хязгаарлажээ

Шинэ мэдээ

Нийтлэлчид