Тээврийн цагдаагийн албаны жижүүрийн шуурхай удирдлагын төвд амралтын өдрүүдэд 887 дуудлага, мэдээлэл иржээ. Үүнээс зам тээврийн ослын шинжтэй 587 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас нийслэлд 19 хүн гэмтэж, ослын улмаас нийслэлд нэг,  орон нутагт хоёр хүний амь хохирсон байна. Тухайлбал,

2021.06.12-нд өдрийн 21:40 минутын орчим Хан-Уул дүүргийн нутагт суудлын автомашины жолооч унадаг дугуйтай долоон настай хүүхдийг мөргөж амь хохирсон.

2021.06.13-нд өдрийн 14:28 минутын  орчим Баян-Өлгий аймгийн Өлгий сумд ШТС үнийн шон мөргөж зорчигч есөн настай хүүхэд амь хохирсон.

2021.06.12-нд шөнийн 02:40 минутын орчимд Орхон аймгийн Баян-Өндөр сумын нутагт тээврийн хэрэгсэл жалга руу онхолдож  жолооч амь хохирсон.

       Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон  нийслэлд 120 орон нутагт 70 улсын хэмжээнд 190 зөрчлийг илрүүлж учирч болох эрсдэлээс урьдчилан сэргийлж ажилласан байна.