Эрүүл мэндийн яамнаас коронавирусийн тархалтын талаар ээлжит мэдээлэл хийлээ. Энэ үеэр Эрүүл мэндийн яамны Хэвлэл мэдээлэл, олон нийттэй харилцах, зөвлөх Б.Ууганбаяр “Өнгөрсөн 24 цагийн хугацаанд 10.000 гаруй хүний сорьцод шинжилгээ хийхэд 2263 хүнээс коронавирусийн халдвар илэрчээ. Ингэснээр улсын хэмжээнд 78.347 хүн тус халдвараар өвчилсөн байна.

      Өнгөрсөн хоногт 523 хүн эдгэрч, тусгаарлалтаас гарч,  найман хүн энджээ. Өнөөдрийн байдлаар коронавирусийн халдвараар өвчилсөн 57.025 хүн эдгэрч, 369 хүн уг өвчний хүндрэлээр амиа алдаад байна” гэлээ.