Баянзүрх дүүргийн 11 дүгээр хороо, “Асем Вилла” хотхоноос Баянзүрхийн товчоо чиглэлийн автозамд автомашин замын хашлага мөргөж дотор нь хүн хавчуулагджээ. Тус дуудлагыг  өчигдөр 21:57 цагт хүлээн авсан байна.

     Нийслэлийн Аврах ангийн Эрэн хайх, аврах бүлгийн алба хаагчид 16.5 км замыг туулан 22:18 цагт очиход Баянзүрх дүүргийн иргэн Б-ийн жолоодож явсан “Хонда Инсигт” загварын суудлын автомашин замын хашлага мөргөж, автомашины бүхээгт хавчуулагдсан иргэн Т, 32 настай, эмэгтэйг гаргаж, ЯТТТ-ийн эмчид хүлээлгэн өгчээ.  Иргэн Б, 33 настай, эрэгтэй, У,10 настай, эмэгтэй, Б, есөн  настай, эрэгтэй, У, найман  настай, эрэгтэй, О, нэг настай, эрэгтэй нарт ЯТТТ-ийн эмч, эмнэлгийн анхан шатны тусламж үзүүлж, ГССҮТ-д хүргэсэн байна.