Бид гурван ихрийг эх барьсан Ховд аймгийн төрөх тасгийн эрхлэгч, эмч Б.Нансалмаатай холбогдож, цөөн асуултад хариулт авлаа.

-Та гурван ихрийг гардаж эх барьж авсан гэсэн. Эх, хүүхдийн биеийн байдал ямар байна вэ?

-Амаржсан эх маань эмчийн хяналтад байж байгаад хугацаанаасаа өмнө төрсөн. Хүүхдүүд дутуу төрсөн учир нярайн эмч эмчилж байгаа. Эх цус алдаагүй, хэвийн төрсөн. Эхийн биеийн байдал сайн байгаа.

-Та хэдэн жил мэргэжлээрээ ажиллаж байна вэ. Өнгөрсөн хугацаанд хэчнээн ихэр хүүхэд эх барьсан бэ?

-Би 28 жил ажиллаж байна. Миний ажилласан хугацаанд дөрвөн удаа гурван ихэр төрсөн. Энэ удаагийнх дөрөв дэх нь. Тэд хийсвэр хагалгаанд орж төрж байсан. Б.Оюунгэрэл анх удаа өөрөөрөө төрсөн гурван ихрийн ээж боллоо. 

-Танай аймагт он гарснаас хойш хэдэн эх төрсөн бэ?

-Манай аймагт болон улсын хэмжээнд анхны гурван ихэр шинийн 6-нд мэндэллээ. Битүүний өдөр манай аймагт ихэр хүүхэд төрсөн. Манай аймагт он гарснаас хойш өнөөдөр /өчигдөр/ хүртэлх хугацаанд 233 эх амаржсан байна.