Сонгинохайрхан дүүргийн VIII хорооны Зүүнбаян цагааны III гудамжинд нэгдүгээр сарын 27-нд буюу өчигдөр 20:00 цагийн үед гэр шатсан. Уг галын  аюулаас 13 настай Б хүү арав, зургаа, хоёр нас, зургаан сартай дөрвөн дүүгээ аварчээ. Тэдний ээж Г.Ганцэцэгээс гал яагаад гарсан болон болсон үйл явдлын талаар тодрууллаа.

-Урьдчилсан дүгнэлтээр халуун тогооны улмаас гал гарсан гэсэн. Тухайн үед юу болсон юм бол?

-Би таван хүүхэдтэй, ам бүл долуулаа амьдардаг. Дүү нар нь хоол хийж идье, агаа  гэсэн юм билээ. Тэгээд халуун тогооны утас нь буудаж, гал гарсан.

-Тухайн үед ямар шалтгааны улмаас хүүхдүүдээ гэртээ орхиод явсан бэ?

-Би ажил хийдэггүй. Манай нөхөр барилгын ажил хийдэг боловч ажиллахгүй байгаа. Ковидын үед орлогын эх үүсвэр байхгүй байна. Тиймээс сүлжээний бизнес хийж эхэлж байгаа юм. Тус ажлынхаа хүрээнд ойрхон хүнтэй уулзахаар гарсан байсан. Гэтэл тун харамсалтай зүйл боллоо. Гэхдээ хүүхдүүд минь л эсэн мэнд байгаад баярлаж байна даа.

-Танай  том хүү 12 настай гэсэн. Дүү нараа галаас хэрхэн аварсан бэ. Танд юу гэж ярьсан бэ?

-12 настай хүүгийн минь доод талын дүү 10 настай. Нэг нь зургаан сартай дүүгээ, нөгөө нь хоёр настай дүүгээ тэврэн, зургаан настай дүүгээ хөтлөөд гүйж гарсан гэсэн.

-Танайд УИХ-ын гишүүн Н.Учрал, П.Анужин нар гэр өгнө гэсэн. Гэрээ хэзээ барих вэ?

-Маргааш гэр барьж өгнө гэсэн. Мөн хүмүүс мөнгөн тусламж үзүүлж байгаа. Энэ ташрамд, бидэнд тусалж, дэмжиж байгаа хүмүүст талархсан сэтгэлээ илэрхийлмээр байна.