Хүний мөрөөдөл бүхэн агуу байх албагүй. Хамгийн энгийн зүйлээс л хүний мөрөөдөл эхэлнэ шүү дээ. Цаг хугацаа, хором мөч бүхнийг үр бүтээлтэй байлгаж чадах юм бол тэр чинь агуу мөрөөдөл, амжилт. Би бүгдийг ийм байгаасай гэж хүсдэг. Хүсэл маань ч гэсэн мөрөөдөл учраас. Ойлгохгүй, хэцүү, чадахгүй байсан ч сурахыг хүсэх л юм бол хэн ч байсан мэрийгээд сурдаг. Үнэхээр л хүсэх юм бол шөнө зүүдлэн хонож, өдөр нь бодсоор заавал биелүүлдэг юм.

   Товчхон хэлэхэд, мөрөөдөл гэж үнэндээ зүгээр л үг шүү дээ. Харин би энэ үгийг харахдаа үйл ажиллагаа гэh үгээр орлуулчихмаар санагддаг юм. Үйл ажиллагаа нь дотроо төгс, шилдэг, гарамгай, нууц гээд л тоолж барахгүй. Үлгэр домог, ид шид бол тусдаа хэрэг л дээ.

     Бид хүсэл тэмүүллээр дүүрэн, утга учиртай амьдралд төвлөрөх үедээ, өөрөө ч мэдэлгүй өөрөөсөө урам зориг цацруулж, түгээж байдаг. Хүн мөрөөдлөө дагаж, шинэ зүйл туршиж, амьдралдаа эрс өөрчлөлт хийж эхлэхэд, түүнээс оргилж буй эрч хүчийг нь ойр тойрных нь бүхий л хүмүүс мэдэрч эхэлнэ. Нэг их удалгүй тэд ч өөрсдийнхөө хувьд өөрчлөлт хийж, бусдыг ч мөн үлгэрлэн дагуулах болно. Бид хүсэх л юм бол юуг ч хийж чадна гэдэгт би итгэдэг.