АНУ-ын усанд сэлэгч Саймон Мануэль “Рио-2016” олимпын наадмын усанд сэлэлтийн төрлөөс хоёр алт, хоёр мөнгөн медаль хүртэж, усанд сэлэлтийн спортын түүхэн дэх хамгийн анхны өнгөт арьст олимпын аварга болж байлаа. Арьс өнгөөр ялгаварлан гадуурхах үзэлтэй тэмцэж, өөрийн дуу хоолойгоо бусдад хүргэхийг хүссэн тэрбээр 12 настай байх үеийн өөртөө хаяглаж, бичсэн захиагаа олон нийтэд хүргэж, шуугиан тариад байсан юм. Уншигч та бүхэнд олимпын аварга Саймон Мануэлийн 12 настай өөртөө хаяглан бичсэн захидлыг хөрвүүлэн хүргэж байна.

12 настай Саймон Мануэльд

Би 12 настай байхаасаа л анх удаа өөрийгөө бусдаас өөр гэдгээ ойлгож эхэлсэн. Усанд сэлэлтийн спортоор хичээллэж эхлээд маш хурдан хөгжиж, өөрөөсөө хамаагүй том хүүхдүүдтэй бэлтгэл хийдэг болсон. Өөрийгөө илүү сайн байж, хичээх тусам бусадтай харилцах харилцаа маань дагаж, хөгжиж байгааг анзаарсан юм. Гэвч усанд сэлэлтдээ ахиц, дэвшил гаргасандаа баярлаж байх ёстой тэр үедээ асар их эргэлзээнд унасан.

          Би бусдаас өөр, булчинлаг, өндөр, том биетэй өнгөт арьст охин байсан. Намайг харсан хүмүүс “Хөөх, чи усанд сэлдэг юм уу. Үнэхээр гэж үү. Яагаад ийм сонин зүйлд дуртай юм бэ” гэж асуудаг байв. Бусдын надаас асуудаг асуулт бүр нь өөртөө итгэх итгэлийг минь алдуулсан. Зарим үед үргэлж дуртай зүйлээ хамгаалах нь өөрийн сэтгэлийг ч эмзэглүүлдэг. Хүүхэд байхдаа усанд сэлэх үедээ цор ганцаараа байдаг байсан. Өөрийгөө өөр хүн шиг мэдрэх хэцүү байдаг.

          Хүмүүс яагаад тэдгээр асуултыг надаас асуух, нийгмийг саад, бэрхшээл, арьс өнгөөр ялгаварлах үзлийн дунд хүн болж амьдрах үнэхээр хэцүү байдаг. Магадгүй би 12 настайдаа үүнийг илэрхийлж чадахгүй байсан байх, гэхдээ дотроо хэдий нь ойлгосон байсан. Зургаан настай өнгөт арьст охинтой цагаан арьстай нэг хүү тоглохыг хүсэхгүй байгаагаа хэлж байсан тэр үеийг би хэзээ ч мартахгүй. Бүх хүмүүс бас би өөрөө ч өөртөө эргэлзэж байсан. Харин эцэг, эх маань надад эргэлзээгүй юм.

          Бүх зүйлийг ойлгохыг тулд ээжээсээ тусламж гуйсан. Ээж бид хоёр бүтэн нэг өдрийн турш усанд сэлэлтийн спортоор амжилтад хүрсэн өнгөт арьст хүмүүсийн хөргийг уншиж суусан юм. Тэд маш их ялгаварлан гадуурхалд өртөж байсан ч, боломжийг алдаагүй. Тэдний ялалт надад маш их урам зориг өгсөн. Каллен Жонес, Таника Жэмисон, Сабир Мухаммед, одоо миний сайн найз болсон Марица Коррейа  нар. Тэдний түүх надад миний амжилт надаас том гэдгийг, миний мөрөөдөл хэзээ ч бусдын бодлын хязгаарлагдахгүй байхыг зааж өгсөн.

          Би өөрийн түүхээ бүтээж, бусдын түүхийг баяжуулахаар ирсэн. Би амбицтай байсныхаа төлөө уучлалт гуйхгүй. Риогийн олимпын наадам миний шийдэмгий байдлыг шалгасан. Тэр үед дахин өөртөө эргэлзэж магадгүй байдалтай байлаа. Спортын хамгийн том дэвжээн дээр ялалт байгуулахад олон нийтээс сайн, муу сэтгэгдлүүд ирнэ. Тэд миний амжилтыг алга ташин баяртайгаар хүлээж авсан. Гэхдээ миний өдийг хүртэл туулж ирсэн замыг амархан мэт ярьж, миний хичээл зүтгэл, золиосолсон бүхнийг хямдхан мэт ярьж байлаа. Тэд намайг “Хар усанд сэлэгч” гэж нэрлэсэн. Үзэгч, дэмжигчид хүн бүрд өөр өөр ханддаг нь намайг айлгасан.

Заримдаа надад эзэнгүй арал дээр ганцаархнаа байгаа юм шиг мэдрэмж төрдөг. Сэтгүүлчид надаас бусад усанд сэлэгч, цагаан арьс тамирчдын талаар асуудаг. Тэд намайг тамирчдын эсэргүүцлийг өдөөгч, түүнд дуу хоолойгоо нэмэрлэгч гэж боддог байх. Би өнгөт арьст Америкийн дуу хоолой биш.  Тэд ч намайг “Хар усанд сэлэгч” гэсэн шошготой илүүц харагддаг нэгэн гэдгийг мэднэ.

          Миний нэг хэсэг бүх зүйлийг хийх, өвөрмөц, эр зоригтой амьдрахын тулд төрсөн юм шиг санагддаг. Бүгдээрээ биш. Гэхдээ өнгөт арьс тамирчны амжилтад хязгаар гэж үгүй. Надаас өмнө ч олон өнгөт арьстнууд байсан. Тэд бууж өгөөгүй. Чамд гэж хэлэхэд тэр хугацаа ч чамд очих өдөр болно.

          Ямарваа нэгэн зүйлд төлөөлөл чухал. Хүмүүс, ялангуяа хүүхдүүдэд ямар нэг зүйлийг хийж чадна гэдэгт нь итгэхийн тулд өмнөх төлөөллөөсөө урам зориг авах болно. Хэрэв би цаг хугацааг ухрааж чадвал 12 наста Саймоныг дотроо үлдэх хүслээ гаргаж, өөртөө итгэх итгэлийг нь астал дэмжих болно. Түүнд хандаж, мөрөөдлөө хүндэлж, бусдын урам зоригийг өдөөж, өөрийн аяллаа үргэлжлүүлэх ёстойг хэлнэ. Бас тэр дуртай зүйлээ л хийх ёстой. Мөрөөдөл магадгүй биднийг одоо байгаагаас минь өөр болгодог байж болох ч мөрөөдлөөс илүү сайхан зүйл үгүй.