Жүдо бөхийн насанд хүрэгчдийн 2021 оны ДАШТ Унгарын нийслэл Будапешт хотод өнөөдөр эхэлсэн юм. Энэ сарын 6-13-нд үргэлжлэх 118 орны 665 тамирчнаас эрэгтэй 387, эмэгтэй 287 барилдана. Эрэгтэй, эмэгтэйчүүд тус бүр долоон жин, багийн барилдаанд өрсөлдөнө. Хуваарийн дагуу ДАШТ-ий эхний өдөр эмэгтэйчүүдийн 48 кг-д дэлхийн аварга, гавьяат тамирчин М.Уранцэцэг, ОУХМ Г.Наранцэцэг, эрэгтэйчүүдийн 60 кг-д Л.Өнөболд нар барилдлаа.

      Эмэгтэйчүүдийн -48кг жинд Монгол Улсын гавьяат тамирчин ЦЕГ-ын “Хүч” спорт хороо, “Хайбрид Хаус” компанийн тамирчин, дэлхийн аваргын алт, мөнгө, хүрэл медальт Мөнхбатын Уранцэцэг С хэсгийг тэргүүлэн эхний тойрогт гоц мөргөөд хоёрдугаар тойрогт БНСУ-ын О Ён-Жүтэй учраа таарч, цэвэр яллаа. Улмаар олимпын хүрэл, дэлхийн аваргын хошой хүрэл медальт Казахстаны нэрийн өмнөөс барилдаж буй Галбадрахын Отгонцэцэгтэй 1/8 шигшээд барилдахаар боллоо.