Монголын боксын үндэсний шигшээ баг тамирчид Чех улсын Усти над Лабем хотод тавдугаар сарын 4-9-нд зохион байгуулах 51 дэх удаагийн Гран при олон улсын тэмцээнд оролцохоор өнөөдөр өглөө Европыг зорьлоо.

Баг тамирчид тавдугаар сарын 09-20-нд Германд болох Герман болон Кубын шигшээ багийн тамирчидтай хамтарсан бэлтгэл хийх юм байна. Улмаар тавдугаар сарын 21-нээс зургаадугаар сарын 1-нд АНЭУ-ын Дубай хотноо зохион байгуулах Ази тивийн АШТ-нд оролцох юм. Багийн ахлагч Ц.Батнасан, ахлах дасгалжуулагчаар Ж.Энхтөр, дасгалжуулагчаар А.Гантулга, Б.Пүрэв-Очир нар ажиллана. Багийн эрэгтэй тамирчин Х.Энхмандах 52 кг, Х.Энх-Амар 56 кг, Э.Цэндбаатар 60 кг болон 63 кг Б.Чинзориг 64 кг, Б.Мишээлт 69 кг, О.Бямба-Эрдэнэ 75 кг жинд оролцох юм. Мөн Л.Алтанцэцэг 51 кг, О.Есүгэн 57 кг, М.Намуун 60 кг нар багтсан байна.