Цэрэг спортын “Дөл” тоглолт эхэллээ

2025-04-28, 749

Дархан-Уул аймгийн ерөнхий боловсролын дунд сургуулиудын цэрэг спортын “Дөл” тоглолт эхэллээ. Тус тэмцээн нь ЕБС-ийн ахлах ангийн сурагчдад цэрэг эх оронч хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэл зүйн бэлтгэл, тэсвэр хатуужил олгож, эх орноо батлан хамгаалах бэлтгэл эзэмшүүлэх зорилготой ажээ.

Тэмцээний нэгдүгээр үе шатыг сургуулиуд дотооддоо зохион байгуулж шалгарсан нэг, нэг шилдэг баг ийнхүү хоёрдугаар шатанд өрсөлдөж байна. Аймагтаа тэргүүлсэн баг улсын аварга шалгаруулах "Дөл" тэмцээнд Дархан-Уул аймгаа төлөөлөн оролцоно.

Энэхүү тэмцээний арван төрөл, ангилалд Дархан-Уул аймгийн ЕБ-ын 13 сургуулийн 140 сурагч оролцож байна. Энэ жилийн тухайд дроны ангилал нэмэгдсэнээрээ онцлог юм байна.

Цэрэг спортын “Дөл” тоглолт эхэллээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид