Дэлхийн шилдгүүд өрсөлддөг, бодибилдингийн спортоор хичээллэгч тамирчин бүрийн мөрөөдөл байдаг билээ. Бодибилдинг фитнесийн ноён оргил “MR.оlympia”-ын тайзан дээр Монгол Улсын тамирчин  “IFBB Pro” Б.Уянга,  “IFBB Pro” А. Гантулга нар өрсөлдөж байна.

       Тэд дэлхийн домог болсон тамирчидтай нэгэн тайзан дээр мөр зэрэгцэн зогсож Монгол Улсын, Монголын бодибилдинг фитнесийн холбооны тамирчдын чансааг харуулж, Монголын бодибилдингийн спортын 35 жилийн түүхэнд нэгэн шинэ хуудсыг нээж байгаа юм.

       Харин 2024 оны арваннэгдүгээр сарын 5-11-ний хооронд Мальдив улсын Ган аралд 15 дахь удаагийн дэлхийн аварга шалгаруулах тэмцээн зохион байгуулагдах гэж  байна. Тус ДАШТ-ий “Jinior” 160 см болон бикиний ангилалд Бямбасүрэн,  фит гоо зүй, бикиний  ангилалд Ж.Ундрах, М.Гантуяа, Г.Наранчимэг, Ж.Сувд-Эрдэнэ,  модель ангилалд Нямзул, Шинэцэцэг, модель, бикиний ангиалд Ганчимэг, Халиунаа нар өрсөлдөх юм.

     ДАШТ-д Монгол Улсаа төлөөлөн оролцох Монголын бодибилдинг фитнесийн холбооны  эмэгтэй баг, тамирчдын нэгдсэн бэлтгэл  “Наадам-1” клуб дээр амжилттай зохион байгуулагдаж байна.