Тайландын богино зайн гүйлтийн тамирчин Бүүнсон Пурипол болон Хятадын усанд сэлэлтийн тамирчин Юй Зыди нар Азийн спортын XX наадмын эрэгтэй, эмэгтэй төрөлд тус тус шилдэг тамирчнаар шалгарсан тухай Азийн Олимпын Зөвлөл аравдугаар сарын 4-ний өдөр мэдэгджээ.Удахгүй 14 нас хүрэх  Хятадын Юй Зыди энэ удаагийн Азийн наадмаас гурван алтан медаль хүртсэнээр Хятадын багийн гурван алтан медаль хүртсэн хамгийн залуу тамирчин болжээ.

     Тэрбээр эмэгтэйчүүдийн 200 метрийн холимог сэлэлтийн финалд 2 минут 06.10 секундын амжилт үзүүлж, Азийн дээд амжилтыг шинэчлэн түрүүлсэн байна. Энэ нь тус төрөлд түүхэн дэх хоёр дахь шилдэг амжилт бөгөөд дэлхийн дээд амжилтыг эзэмшигч МакИнтошийн 2 минут 05.70 секундын амжилтын дараа орсон байна. Мөн тэрбээр эмэгтэйчүүдийн 200 метрийн эрвээхэй сэлэлт болон 400 метрийн холимог сэлэлтийн финалд тус бүр Азийн наадмын дээд амжилтыг шинэчлэн, алтан медаль хүртжээ.

    Эх сурвалж “Анд” студи.