Жүдо бөхийн “Баку-2026” дэлхийн аварга шалгаруулах тэмцээн Азербайжан Улсын Баку хотод өнөөдөр гурав дахь өдрөө үргэлжилнэ. Өнөөдөр манай улсаас эрэгтэйчүүдийн 73 кг-ын жинд ОУХМ Одгэрэлийн Уранбаяр, эмэгтэйчүүдийн 57 кг-ын жинд ОУХМ Тэрбишийн Ариунзаяа, ОУХМ Лхагвасүрэнгийн Сосорбарам, АНЭУ-ын нэр дээр ОУХМ Оюунгэрэлийн Оюунчимэг нар барилдана.

ЭМЭГТЭЙЧҮҮДИЙН 57 КГ-Д Т.АРИУНЗАЯА, Л.СОСОРБАРАМ, О.ОЮУНЧИМЭГ

    Т.Ариунзаяа “В” хэсгийн нэгдүгээр тойрогт Финландын Pihla SALONEN-той барилдана. Түүнийг ялах юм бол хоёрдугаар тойрогт Израилийн NELSON LEVY Timna-тай таарна. Л.Сосорбарам “D” хэсгийн нэгдүгээр тойрогт Бразилын Jessica LIMA-тай хүч сорино. Хэрэв түүнийг буулган авч чадвал хоёрдугаар тойрогт Бельгийн Mina LIBEER-тэй барилдана. О.Оюунчимэг “С” хэсгийн нэгдүгээр тойрогт Кубын Lian BENAVIDES-тай барилдах юм. Түүнийг ялж чадвал хоёрдугаар тойрогт Литвийн Varvara KUCHAR-тай хүч үзнэ.

ЭРЭГТЭЙЧҮҮДИЙН 73 КГ-Д О.УРАНБАЯАР

  О.Уранбаяр “D” хэсгийн нэгдүгээр тойрогт Испанийн Anton SHUHALIEIEV-тай хүч үзнэ. Хэрэв түүнийг буулган авч чадвал хоёрдугаар тойрогт ДАШТ-ий хүрэл медальт АНЭУ-ын Makhmadbek MAKHMADBEKOV-той барилдана.