Бөхийн төрлүүдийн U15 насны Азийн аварга шалгаруулах тэмцээн Бахрайн Улсад үргэлжилж байгаа билээ. Энэ сарын 4-ны өдөр буюу даваа гарагт чөлөөт бөхийн эрэгтэйчүүдийн ангилалд манай улсаас хоёр бөх хүрэл медаль хүртлээ. Тодруулбал, 57 кг-д Дархан-Уул аймаг, "Эрхэт Майнинг" компанийн тамирчин Мягмарсүрэнгийн Сумъяабазар, 75 кг-д Сүхбаатар аймгийн Мөнххаан сумын харьяат, Орхон аймгийн "Ирээдүйн одод" сургуулийн тамирчин Энхбатын Бямбадорж нар хүрэл медалийн эзэд болжээ. Харин 38 кг-д Б.Анартулга, 41 кг-д У.Буянхишиг, 44 кг-д А.Мөнхтөгс, 48 кг-д М.Аманбек нар хүрэл медалийн төлөөх барилдаанд ялагдсан байна.

Ташрамд дурдахад, Чөлөөт бөхийн "U20" насны Ази тивийн аварга шалгаруулах тэмцээнд хүч, ур чадвараа сорин барилдах Монголын залуу бөхчүүд өнөөдөр Бахрайныг зорижээ.