Америкийн үндэсний сагсан бөмбөгийн холбооны аваргын төлөөх цувралын зургаа дахь тоглолт өнөөдөр болж, “Голден Стэйт Уорриорз” баг “Бостон Селтикс” багийг тоглолтод 103:90 онооны харьцаатай ялалт байгуулж, цувралд 4:2-ын харьцаатай хожиж, аваргын цом өргөлөө.

Тоглолтод, “Голден Стэйт Уорриорз” багийн лидер Стефен Көрри 34 оноо авч, долоон самбараас бөмбөг авалт, долоон оновчтой дамжуулалт өгчээ. Харин эсрэг багийн хамгаалагч Жейлен Браун 34 оноо авч, долоон самбараас бөмбөг авалт үзүүлсэн боловч, ялагдал хүлээсэн юм.

                 Нэрт сагсан бөмбөгч Билл Расселын нэрэмжит АҮСБХ-ны шигшээ шатны тоглолтын хамгийн үнэ цэнтэй тоглогчоор “Уорриорз”-ын Стефен Көрри шалгарчээ. Өмнө нь 2015-2016 онд хоёр улирал дараалан улирлын хамгийн үнэ цэнтэй тоглогчоор шалгарсан Көрри анх удаа финалын үнэ цэнтэй тоглогчоор шалгарав.

Ташрамд дурдахад, “Голдер Стэйт Уорриорз” баг түүхэндээ долоо дахь аваргын цомоо өргөж байгаа бөгөөд сүүлийн найман жилд дөрөв дэх аваргын цомоо хүртэж байна.