Америкийн үндэсний сагсан бөмбөгийн холбооны шигшээ тоглолтууд үргэлжилж байна.

               Дорнод бүсийн хоёр дахь шатанд учраа таарсан “Бостон Селтикс”, “Милоуки Бакс”-ын цувралын дөрөв дэх тоглолт өнөөдөр боллоо. Цувралын дөрөв тоглолтыг “Бостон Селтикс” баг 116-108 онооны харьцаатайгаар ялалт байгуулж, цувралыг 2:2 харьцаатай болгон тэнцүүлэв.

Тоглолтод “Бостон Селтикс” багаас Жейсон Татум 30 оноо авч, 13 самбараас бөмбөг авалт, таван оновчтой дамжуулалт өгсөн шилдэг тоглолт үзүүлсэн бол, түүний багийн хамтрагч Ол Хорфорд мөн 30 оноо авч, найман самбараас бөмбөг авалт хийжээ. Харин нөгөө талаас “Милуоки Бакс” багийн лидер Яннис Антетокоунмпо 34 оноо авч, 18 самбараас бөмбөг авалт, таван оновчтой дамжуулалт өгсөн шилдэг тоглолт үзүүлсэн ч, ялагдал хүлээсэн байна.

 “Бостон Селтикс”, “Милуоки Бакс” багийн цувралын тав дахь тоглолт Монголын цагаар тавдугаар сарын 12-нд “Бостон Селтикс” багийн талбайд болно.