Америкийн үндэсний сагсан бөмбөгийн холбооны шигшээ тоглолтууд үргэлжилж байна.

                Өнөөдөр дорнод бүсийн хоёр дахь шатанд учраа таарсан “Филадельфи Севенти-Сиксер”, “Майами Хит” багуудын цувралын дөрөв дэх тоглолт боллоо. Цувралын дөрөв дэх тоглолтод 116-108 онооны харьцаатайгаар “Сиксерс” ялалт байгуулж, цувралыг 2:2 болгож тэнцүүлэв.

Тоглолтод “Филадельфи Севенти-Сиксерс” багаас Жеймс Харден талбай дээр 40 минут тоглохдоо 31 оноо авч, долоон самбараас бөмбөг авалт, есөн оновчтой дамжуулалт өгсөн шилдэг тоглолт үзүүлж, багаа хожилд хөтөлжээ. Харин “Майами Хит” багийн лидер Жимми Батлер 40 оноо авч, зургаан оновчтой дамжуулалт өгсөн сайн тоглолт үзүүлсэн ч, ялагдал хүлээжээ.

Цувралын тав дахь тоглолт тавдугаар сарын 11-нд “Майами Хит” багийн талбайд болно.