Увс аймгийн Ховд сумын харьяат, даян аварга Н.Батсуурийн цолонд хүндэтгэл үзүүлэх барилдаан өнөөдөр Улаангом сумд болох гэж байна. Тус барилдаанд улс, аймгийн цолтой 128 бөх зодоглож байгаа бөгөөд барилдаан Увс аймгийн цагаар 12:00, Улаанбаатарын цагаар 13:00-т эхэлнэ.

                 Тэгвэл тус хүндэтгэлийн барилдааныг зохион байгуулах ажлын хэсгийн дарга, Увс аймгийн Засаг даргын орлогч Ж.Александр манай сайтад өгсөн тодруулгадаа Тува Улсын Биеийн тамир, спортын сайд Сүбээдэй хүндэтгэлийн барилдааныг үзэхээр ирээд байгаа талаар мэдээлэв. Мөн тус барилдааныг үзэж, сонирхохоор УИХ-ын гишүүн асан, “Увс нуур” бөхийн дэвжээний тэргүүн Н.Цэрэнбат, ШШГЕГ-ын тэргүүн дэд дарга, генерал Д.Дамдинцэрэн тэргүүтэй зочин, төлөөлөгч Улаангом суманд очоод байгаа юм байна.