Америкийн үндэсний сагсан бөмбөгийн холбооны шигшээ тоглолтууд үргэлжилж байна.

               Өрнөд бүсийн хоёр дахь шатанд учраа таарсан “Финикс Санс”, “Даллас Маверикс”-ын цувралын хоёр дахь тоглолт өнөөдөр боллоо. Цувралын хоёр дахь тоглолтыг “Финикс Санс” баг 129-109 онооны харьцаатайгаар ялалт байгуулж, цувралыг 2:0 харьцаатай тэргүүлж эхлэв.

Тоглолтод “Финикс Санс” багийн лидер Девин Бүүкер 30 оноо авч, дөрвөн самбараас бөмбөг авалт, дөрвөн оновчтой дамжуулалт өгөхдөө 57 хувийн довтолгооны гүйцэтгэлтэй шилдэг тоглолт үзүүлжээ. Харин эсрэг талаас “Даллас Маверикс” багийн лидер Лука Дончич 35 оноо авч, таван самбараас бөмбөг авалт, долоо оновчтой дамжуулалт өгсөн сайн тоглолт үзүүлсэн боловч ялагдал хүлээсэн байна.

“Финикс Санс”, “Даллас Маверикс” багийн цувралын гурав дахь тоглолт Монголын цагаар тавдугаар сарын 7-нд “Даллас Маверикс” багийн талбайд болно.