• Өнөөдөр 2026-06-28

Сингапурт болох тэмцээнд Монголын анхны тулаанч Д.Батгэрэл өрсөлдөнө

2022-05-01,   647

   Холимог тулааны UFC холбооноос зургаадугаар сарын 11-нд Сингапурын “Singapore Indoor Stadium” цогцолборт зохион байгуулагдах UFC 275 тэмцээнд болох тулаануудыг зарлалаа.
 
Энэ тэмцээнд хагас хүнд жингийн аварга, Бразилын Гловер Тейшейра, чансааны хоёрт бичигдсэн Чехийн Иржи Прохазкатай, эмэгтэй хөнгөн жингийн аварга валетина Шевченко чансааны тавын тулаанч Бразилын Тайла Сантостой бүс хамгаалах тулаан хийнэ. Мөн Хятадын Жан Вейли, Польшийн Йоанна Енжейчик нарын даагаа нэхэх тун сонирхолтой тулаантай.
 
   UFC холбооны Монголын анхны тулаанч Д.Батгэрэл Өмнөд Солонгосын Кан Кён Хотой тулалдах болжээ. Манай тамирчин сүүлийн тулаанаа тун саяхан буюу гуравдугаар сарын 26-нд АНУ-ын Крис Гуттьрьезтэй хийж ялагдсан. Дана Батгэрэл 12 ялалт, гурван ялагдалтай болсон.

   Энэ удаагийн өрсөлдөгч Кан Кён Хо 34 настай. Холимог тулаанд 17 ялалт, есөн ялагдалтай. Бусан хотын уугуул. UFC, Road FC, Deep, World Victory Road, Spirit MC холбоодод тулалдаж байсан. Road FC холбооны хөнгөн жингийн аварга болж байжээ. 2012 онд UFC холбоонд уригдаад Road FC холбооны аварга цолноосоо татгалзаж байжээ. UFC холбоонд ес тулалдаж, зургаа ялсан. Жи жицү суурьтай, таэквондо тамирчин. Ихэнх өрсөлдөгч нь өчүүлж, боолгоод бууж өгдөг.


Сингапурт болох тэмцээнд Монголын анхны тулаанч Д.Батгэрэл өрсөлдөнө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.