Казах түмний үндэсний "Наурыз"-ын баярт зориулсан улс, аймгийн цолтой 256 бөхийн барилдаан өнөөдөр болов. Тэгвэл тус барилдаанд Архангай аймгийн Цэнхэр сумын харьяат, “Алдар” спорт хороо, “Нутгийн буян” групп, “Бөхбилэгт“ дэвжээний бөх, улсын гарди М.Бадарч түрүүллээ. Харин Хөвсгөл аймгийн Шинэ-Идэр сумын харьяат, "Хилчин" спорт хороо, "Хөвсгөлийн хүчтэн" дэвжээний бөх, улсын начин Ц.Сандагдорж үзүүрлэсэн байна. Их шөвөгт улсын заан Ц.Одбаяр, начин Д.Амаржаргал нар шалгарчээ.

Ташрамд дурдахад, “Наурыз”-ын баярт зориулсан үндэсний бөхийн барилдаанд Архангай аймгийн харьяат бөхчүүд нийт таван түрүү аваад байгаа бөгөөд дөрөв нь Цэнхэр сумын харьяат аж.