Өнөөдөр орой 22.00 цагт олон улсын хэмжээний мастер Г.Баярхүү ОХУ-ын 23 настай тамирчин Хикмет Гараевтай, гавьяат тамирчин Э.Цэндбаатар Азербайжан улсын 38 настай Рауф Агаевтэй тус тус тулалдах юм. Тус тоглолтыг “Tsendbaatar athlete” фэйсбүүк группээр шууд дамжуулах бөгөөд тоглолтыг үзэх сонирхолтой хүмүүс групптэй холбогдож, 2200 төгрөгийг шилжүүлэн үзэх боломжтой аж. Гавьяат тамирчин Э.Цэндбаатар “Өмнөх тулаанууд дээр би гоё боксын тоглолт үзүүлсэн, энэ удаад нокаут яаж хийдгээ үзүүлнэ. Гоё тоглолтыг үзүүлэхийн төлөө бид хоёр хичээнэ. Та бүхэн Монгол тамирчдаа дэмжээрэй” хэмээлээ.