Аргентины хөл бөмбөгийн шигшээ багийн супер од, Францын “Парис Сент-Жермен” клубын довтлогч Лионель Месси коронавирусийн халдвар авсан талаар “ПСЖ” клубээс албан ёсоор мэдэгдлээ. Мөн “ПСЖ” клубын хамгаалагч Хуан Бернат, сэлгээний хаалгач Серхио Рико, хагас хамгаалагч Натан Битумазала нарын шинжилгээний хариу эерэг гарснаас “Лион” клубын эсрэг тоглох ээлжит тоглолтын өнжихөөр болсон байна.

Оны шилдэг хөл бөмбөгчид олгодог “Алтан бөмбөг”-ийн долоон удаагийн эзэн Лионель Месси одоогоор Аргентинд байгаа бөгөөд “ПСЖ” клубээс коронавирусийн шинжилгээний хариу нь сөрөг гарахаас өмнө Францад ирэхийг хориглосон аж.