“Ковид-19” цар тахлын шинэ төрлийн Омикрон хувилбар дэгдэж байгаа нь спортын томоохон лигийн тоглолтуудад хүндрэл учруулж байгаа. Үүнтэй холбоотойгоор Английн Премьер лигийн “Тоттенхэм”, “Манчестер Юнайтед” клубын лигийн хоёр ч тоглолтыг гурван хоногийн хугацаагаар хойшлуулжээ.

Тэгвэл  Английн Премьер лигийн клуб, тоглогч, ажилтнууд коронавирусийн шинэ төрлийн Омикрон хувилбартай тэмцэх зорилгоор гаргасан шинэ хөтөлбөрийн дагуу өдөр бүр коронавирусийн шинжилгээ өгөхөөр болжээ.

          Даваа гарагт Премьер лигийн нийт 42 тоглогч, ажилтан өнгөрөгч долоо хоногт коронавирусийн халдвар авсныг баталгаажуулсан. Ингэснээр 2019-2020 оны улиралд шинжилгээ авч эхэлснээс хойших хамгийн өндөр илэрсэн хувь болж байгаа юм.