Монгол Улсын гавьяат тамирчин О.Пүрэвбаатарын нэрэмжит чөлөөт бөхийн залуучуудын хөнгөн жингийн аварга шалгаруулах цомын тэмцээн болох гэж байна. Тус тэмцээн нь 13 дахь удаагаа зохион байгуулагдаж байгаа бөгөөд энэ сарын 19-нд "Алдар" спорт хорооны зааланд болохоор товлогджээ.

О.Пүрэвбаатар нь "Софи-2001", "Тегеран-2002" ДАШТ-ий мөнгө, 2002 оны Дэлхийн цомын хүрэл медальт, 2002 оны Азийн наадмын аварга, 1997 оны Ази тивийн аварга, Зүүн Азийн наадмын аварга, Олон улсын "А" зэрэглэлийн 10 удаагийн аварга  тамирчин юм.