Их эзэн Чингис хааны мэндэлсний 859 жилийн ой, өвлийн эхэн сарын шинийн 1-ний “Монгол бахархлын өдөр” өнөөдөр тохиож байна.

“Монгол бахархлын өдөр”-т зориулсан 128 бөхийн барилдаан Бөхийн өргөөнд болж өндөрлөв.

Барилдаанд улсны гарьд Ө.Бат-Орших түрүүлж, улсын харцага О.Хангай үзүүрлэлээ. Харин улсын заан М.Бадарч, улсын начин Ч.Батчулуун нар шөвгийн дөрөвт шалгарсан юм.

           Улсын гарьд Ө.Бат-Орших 1985 онд Увс аймгийн Улаангом суманд төрсөн. Тэрбээр 2006 онд Увс аймгийн наадамд түрүүлж, аймгийн арслан цол хүртэж, 2009 онд улсын наадамд зургаа давж, улсын харцага цол хүртэж, 2012 онд дахин цолоо баталж байв. Ө.Бат-Орших 2017 онд улсын харцага Н.Түвшинбаяраар найм давж, улсын гарьд цол хүртсэн билээ.