Монгол Улсад залуучуудын байгууллага үүсэж хөгжсөний 100 жил, Монголын үндэсний бөхийн холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан хүчит 512 бөхийн барилдаан өнгөрсөн наймдугаар сарын 16-17-нд зохион байгуулсан. Барилдааны дараа 512 бөхийн барилдааны шөвгийн 16 болон улсын арслан Ц.Содномдорж, Э.Оюунболд нараас допингийн шинжилгээ авсан билээ.

          Өнөөдөр Монголын үндэсний бөхийн холбооноос допингийн шинжилгээтэй холбоотой асуудлаар мэдэгдэл хийж, дөрвөн бөхийн А шинжилгээнээс допинг илэрсэн талаар мэдэгдсэн.

Тэгвэл албан бус эх сурвалжийн мэдээлснээр Э.Оюунболд, аймгийн заан Б.Уртнасан, аймгийн арслан Н.Батсайхан, аймгийн арслан Б.Хадбаатар нарын А сорьцоос допинг илэрчээ.

          Хэрэв А шинжилгээнээс нь допинг илэрсэн бөхчүүд Б шинжилгээгээ өгөөгүй тохиолдолд хариугаа хүлээн зөвшөөрсөн гэж үзэх юм.