Олон улсын жүдо бөхийн холбооноос Францын нийслэл Парис хотод зохион байгуулж байгаа Их дуулга тэмцээний сүүлчийн өдрийн барилдаанууд өнгөрсөн шөнө болж өнгөрлөө.

Тэгвэл Парисын Их дуулгын сүүлчийн өдрийн барилдааны эрэгтэйчүүдийн -81 килограмм жинд Г.Болор-Очир оролцож, хүрэл медаль хүртжээ. Г.Болор-Очир -81 килограмм жингийн хагас шигшээд Япон Улсын тамирчин Такеши Сасакитай барилдаж, ялагдал хүлээсэн. Улмаар хүрэл медалийн төлөө Францын жүдоч Тизи Гнамиетэй учраа таарч, ялалт байгуулсан байна.

2021 оны Парисын Их дуулга тэмцээнийг Монгол Улсын шигшээ баг гурван хүрэл медальтайгаар өндөрлүүлж байгаа юм.