Парисын Их Дуулгын хоёр дахь өдрийн барилдаанууд өнөөдөр/2021.10.17/ болно. Энэ өдөр эрэгтэйчүүдийн -81 кг, -90 кг, -100 кг, +100 кг болон эмэгтэйчүүдийн -70 кг, -78 кг, +78 кг-ын барилдаанууд болно.

Монгол Улсаа төлөөлөн дараах тамирчид барилдана. Үүнд,

Эрэгтэй -81 кг:

• Б.Мөррэнцэн эхний тойрогтоо Шинэ Зеландын Эллиотт Конноллитой барилдана. Хэрэв ялвал хоёрдугаар тойрогтоо Гүржийн Тато Григалашвилитэй хүч үзнэ.
• Г.Болор-Очир эхний тойрогтоо Конго улсын тамирчин Седрик Калонгатай хүч үзнэ.

Эрэгтэй -90 кг:

• Б.Тэнгис эхний тойрогтоо Канадын Луи Криьбе Ганонтой хүч үзнэ. Хэрэв ялвал дараагийн тойрогтоо Сенегалын Абдерахман Диаотой барилдана.
• Г.Алтанбагана эхний тойрогтоо гоц мөргөлөө.

Эрэгтэй -100 кг:

• Б.Гончигсүрэн эхний тойрогтоо гоц мөргөж, хоёрдугаар тойрогтоо Бразилын Лукас Лиматай барилдахаар болжээ.
• О.Хангал эхний тойрогтоо гоц мөргөж, хоёрдугаар тойрогтоо Нидерландын Симон Катаринатай барилдана.

Эрэгтэй +100 кг:

• О.Цэцэнцэнгэл эхний тойрогтоо гоц мөргөж, хоёрдугаар тойрогтоо Францын Хадриен Ливолситэй барилдахаар болжээ.

Эмэгтэй -70 кг:

• Ц.Энхчимэг эхний тойрогтоо Францын Каила Иссуфитэй учраа таарчээ. Хэрэв ялвал дараагийн тойрогтоо Барбара Матичтэй барилдана.

Эмэгтэй -78 кг:

• Б.Эрдэнэт-Од эхний тойрогтоо Оросын Александра Бабицеватай учраа таарчээ.

Эмэгтэй +78 кг:

• А.Адъяасүрэн эхний тойрогтоо Оросын Анна Гушчинатай учраа таарсан байна.