“Токио-2020” XVI зуны паралимпын наадмыг Япон Улсын нийслэл Токио хотод зохион байгуулсан. Тэгвэл тус наадамд Монгол Улсыг төлөөлж оролцсон баг, тамирчид өчигдөр буюу есдүгээр сарын 6-ны 23:41 цагт эх орондоо ирлээ.

Монгол Улсыг төлөөлж ээлжит паралимпын наадамд буудлага, байт харваа, пауэрлифтинг, таеквондо, жүдо, хөнгөн атлетик гэсэн зургаан төрөлд манай орны 11 тамирчин оролцсон. Үүнээс Монгол Улсын Гавьяат тамирчин Э.Содномпилжээ паралимпын хүндийг өргөлтийн төрөлд алтан медаль хүртэж, Монгол Улс ээлжит паралимпад орсон орнуудаас 57 дугаарт байрт бичигдсэн юм.