Дэлхийн шилдэг хөл бөмбөгчдийн нэг, Португалийн хөл бөмбөгийн супер од Кристиано Роналду “Манчестер Юнайтед” клубд эргэн нэгдэхээр болсон талаараа “Твиттер” хаягаараа дамжуулан мэдээлжээ. Оны шилдэн хөл бөмбөгчийн “Алтан бөмбөг” шагналын таван удаагийн эзэн, 36 настай Кристиано Роналдуг “Манчестер Юнайтед” клуб Италийн “Ювентус” клубээс ердөө 20 сая еврогоор худалдаж авч байгаа юм байна.

Кристиано Роналду анх 2003 онд 18 настай байхдаа “Манчестер Юнайтед” клуб элссэн бөгөөд нийт зургаан улирлын турш тоглохдоо тус клубын төлөө 118 гоол оруулсан байдаг. Харин түүнээс хойш “Реал Мадрид” клубын төлөө есөн улиралд 450 гоол, “Ювентус” клубын төлөө гурван улиралд 101 гоол оруулсан юм.